ئەی فەڵەک تا کەی بە سۆبی هەر وەکی زامانی دڵ
لە کتێبی:
دیوانی مینە جاف
بەرهەمی:
مینە جاف (1911-1965)
1 خولەک
584 بینین
ئەی فەڵەک تا کەی بە سۆبی هەر وەکی زامانی دڵ
پێم بڵێ تو بی خوا تۆ کەی ئەکەی دەرمانی دڵ
کافری حەربی ئەگەر چاوی بە حاڵی من کەوێ
یا وەکوو بێت و ببینێ شیوەن و گریانی دڵ
ئاگری تێبەر ئەدا شەرت بێ شەرارەی دەردەکەم
ناوی جەرگی هەڵ ئەقرچێنێ کزە و ئەفغانی دڵ
چی بوو ئەم دەردە کە دووچاری منی بەدبەختی کرد
بۆ چی دوایی هەر نەهات خوێناو و زوخاوانی دڵ
ڕوو لە هەر لایە ئەکەم من بۆ دەوایی زامەکەم
بەل یەکێ بیکا عیلاجی دەردی بێ سامانی دڵ
هەر دەڕوانم تێک شکاوە قفڵەکەی دەرگای نەجات
داد لە دەستی بەختی شووم و نەحسی بێ ئامانی دڵ
بۆ یەکێکی تر وەکوو مینەناسناوی ئەدەبی لە ژێر ساتا نەبوو!
جەرگی سوتابێ بە کسپەی ئاگری سووزانی توو