ئەی فەلەک کورد کوڕی تۆی کوشت برای تۆی سەربڕی
لە کتێبی:
دیوانی مینە جاف
بەرهەمی:
مینە جاف (1911-1965)
1 خولەک
561 بینین
ئەی فەلەک کورد کوڕی تۆی کوشت برای تۆی سەربڕی
قاپیی کەعبەی شکاند، یا پەردەیی بەیتی دڕی
بۆ لە هەر لایێ بە ئاوی چاوی خوێناوی جگەر
غونچەیێکی ئارەزووم بڕوێ بە ناکام ئەیبڕی
---------------دەقی نائاشکرا
هەر شەوی کورد بێ ئەبێ تاریکستان بێ و بێ فەڕی
سەربەسەر عالەم لە سات بەهرەی خۆشی و ئازادییە
بەهرەیی کورد ژێردەسی و مەحکوومی و تالع شەڕی
بۆ چی کوفرە تو خوا ئەی چەرخی دوونی دوون پەرەست
دەفعەیێکیش تۆ بە پێی دڵخوازی ئێمە هەڵپەڕی
حەققی خۆتە هەرچییەکمان پێ ئەکەی پێمان بکە
چونکە مەعلوومە کە سووک و بێ سەبات و جڵفڕی
لێت موحەققەق بێ ئەزانین وەک ئەزانین خوا حەقە
تۆ دەنی و هەرجایی و عادی پەرەست و دوونکڕی
ژن کە مەشهوورن بە بێ شەرت، شوویێ یا دوو شوو ئەکەن
تۆ هەموو شەو بووک و خۆر کەوت، بێوەیێکی قۆڵتڕی
(مینە جافناسناوی ئەدەبی عیرفان و جەوهەر تالعی لێلا نەبێ
پارەیێ ناکا لە مەیدانا ئەگەر شێری نەڕی