مەئوا نە تۆی کاو کۆی بێ وەفایی
لە کتێبی:
دیوانی جەفایی
بەرهەمی:
جەفایی (1835-1890)
1 خولەک
515 بینین
مەئوا نە تۆی کاو کۆی بێ وەفایی!
دڵبەری بەری جە ئاشنایی!
قوللەی قەڵای قاف ئیستیغنا مەنزڵ!
جە لات تەمەننای من نەبی حاسڵ
جەردەی هەجرت بەرد جوانیم سەرجەم
پیریم هەم پەرێت ئاما چەنی غەم
بێ مەیلیت ئاوەرد سەروەختی فەوتم
دیاردان ئاسار مەهلەکەی مەوتم
حەیفەن چەنی ئەی حەسرەتی بێ حەد
تاوی حەرارەت دەروون جە حەد ڕەد
بێ نۆشای مەیلاو سەرمایەی حەیات
داخڵ وام وە تۆی ئەلحەد بێ نەجات