تەن وە بەرگی وەسڵ دڵئارام مەلفووف
لە کتێبی:
دیوانی جەفایی
بەرهەمی:
جەفایی (1835-1890)
1 خولەک
562 بینین
تەن وە بەرگی وەسڵ دڵئارام مەلفووف
دڵ وە سەهی سەرو قامەتش مەئلووف
دەروون مەستی جام سەبووحی سوحبەت
مەدهۆشی نۆشای «شاهیدی» شەربەت
بۆ وە دیدەنم بدیە زەلیلیم
ئاماتەن مایەی دەفع عەلیلیم
ڕاسەن سەعبەن فەسڵ وەسڵی هامسەران
بێ سامانەن دەرد دووری دڵبەران
سەنگ وە سەختی سەبر فیراق نەدارۆ
دڵ چەنی چەنی سزاش مویارۆ
بەڵام دووبارەی وەسڵش مەئموولەن
دڵ وە یادش شاد کەمتەر مەلوولەن