خانی خاس خەیاڵ شای کەمەر لاڵان
بۆ شەریف چەلەوی هەمەوەندی
لە کتێبی:
دیوانی مەلای جەباری
بەرهەمی:
مەلای جەباری (1806-1876)
2 خولەک
658 بینین
خانی خاس خەیاڵ شای کەمەر لاڵان
سەرداری سوپای گشت سیاهـ ماڵان
سینەی کانە گەنج گەوهەر دانەی لاڵ
فەرخوندەی فەڕبەخش سەحرای چەمچەماڵ
ئومێدەن دەوڵەت سولێمانیش بۆ
تەڵای دەس ئەفشار خوسرەوانیش بۆ
ئەژنەفتم نوسخەی کورەی کاسەدەم
یاوان وە خزمەت خانی خاتەر جەم
پرساوی ئەحواڵ لەیلەکەی موڵڵا
لەیل کەس چون لەیل من نیەن وەڵڵا
بەڵام چی کەرین پەی جوان مەردی
حاسڵ کومراز هەناسە سەردی
دەردی عشق ویردەی خاتر غەمگین بۆ
زەدەی زام وەدەس مەتار جەمین بۆ
جورعەیە نە جام نەو ویردە بۆ
لەیلی شیوەش کاریش کەردە بۆ
ژەهری ماری دەرد دووریش نۆشا بۆ
بەهرام پەی دوست نمەد پۆشا بۆ
ڕویەوەی سەمەن شەو دێز نماوە
وەو کول کمەیت جیهان پەیماوە
وەو شەوقی شکار غەزاڵانەوە
وەو سەودای سنوور نەوهاڵانەوە
وەو شەعشەعەی ئەسپ خۆش ئاوازەوە
تەشریف باوەردای جە ناسازەوە
بدیای ئەی جەستەی خەستەی هەستیمە
ئەی پەرێشانی ئەی سەرمەستیمە
بپرسای پەی کێن ئەی عەبداڵیمە
ئەی سەرگەردانی و وێران ماڵیمە
ئانە قەیس پەی لەیل من پەی کێ وێڵم
پەی کێ وێران ماڵ کەڵپۆس وە پێڵم
وێنەی بایەقوش وە کەژ و کۆوە
پەی کێ هۆهۆمەن تارو مەبۆوە
وەلحاسڵ تۆمار دڵەی پەڕ دەردم
شەرحی ماجەرای هەناسەی سەردم
بنووسای وزەوخ یەکاویەک فەرد فەرد
باوەڕ داش دڵەش پەی دەردەم وەدەرد
داد لە ڕای بیمون خانی خاس خەیاڵ
یا بە زەبر هوێت بە زەبر گەنج ماڵ
مەلاناسناوی ئەدەبیش شاد کەردای وە دیین مولا
خاستەرەن لە حەج بەینی و بینەڵڵا
مەلاناسناوی ئەدەبی شاد کردای دیسان هەم و هەم
خاستەرەن لە حەج کەعبەی موعەزەم