xanî xas xeyał şay kemer lałan
bo şerîf çelewî hemewendî
Li pirtûka:
Dîwanî Melay Cebarî
Berhema:
Melay Cebarî (1806-1876)
2 Xulek
667 Dîtin
xanî xas xeyał şay kemer lałan
serdarî supay gişt syah małan
sîney kane genc gewher daney lał
ferxundey feřbexiş seḧray çemçemał
umêden dewłet sulêmanîş bo
tełay des efşar xusrewanîş bo
ejneftim nusxey kurey kasedem
yawan we xizmet xanî xater cem
pirsawî eḧwał leylekey mułła
leyl kes çun leyl min nyen wełła
bełam çî kerîn pey cwan merdî
ḧasił kumraz henase serdî
derdî ’işq wîrdey xatir ẍemgîn bo
zedey zam wedes metar cemîn bo
cur’eye ne cam new wîrde bo
leylî şîweş karîş kerde bo
jehrî marî derd dûrîş noşa bo
behram pey dust nimed poşa bo
řuyewey semen şew dêz nimawe
wew kul kimeyt cîhan peymawe
wew şewqî şikar ẍezałanewe
wew sewday sinûr newhałanewe
wew şe’şe’ey esp xoş awazewe
teşrîf bawerday ce nasazewe
bidyay ey cestey xestey hestîme
ey perêşanî ey sermestîme
bipirsay pey kên ey ’ebdałîme
ey sergerdanî û wêran małîme
ane qeys pey leyl min pey kê wêłim
pey kê wêran mał kełpos we pêłim
wêney bayequş we kej û kowe
pey kê hohomen taru mebowe
welḧasił tomar diłey peř derdim
şerḧî maceray henasey serdim
binûsay wizewx yekawyek ferd ferd
baweř daş diłeş pey derdem wederd
dad le řay bîmun xanî xas xeyał
ya be zebir hwêt be zebir genc mał
melaNasnava edebîş şad kerday we dîyn mula
xasteren le ḧec beynî û bînełła
melaNasnava edebî şad kirday dîsan hem û hem
xasteren le ḧec ke’bey mu’ezem