ساقی سادەی شی وەهار ئاماوە
لە کتێبی:
دیوانی مەلای جەباری
بەرهەمی:
مەلای جەباری (1806-1876)
2 خولەک
1113 بینین
ساقی سادەی شی وەهار ئاماوە
گوڵان سەرکێشان نە تۆی سەحراوە
هەوای دڵگوشاد ئەردی بەهەشتەن
فەروەروی سەحرای گەرمەسێر وەشتەن
وادەی بادەی ناب سەیری وەهارەن
سەر زەمین مەزهەر لەقای دڵدارەن
زەمزەمەی مەزاق دڵ ئەفگارانەن
سەدای تەپڵی تیپ دەردەدارانەن
وەقتی نۆشاونۆش سەبووی قەرقەفەن
دەنگی زەلەی زیل دائیرە و دەفەن
درەختەن سەوزەن شنۆی شەتاوەن
نەورۆزەن سەوزەن هەوای پای کاوەن
مەیەن مەعشووقەن موحبەتەن مەیلەن
خەمان لەبریزەن پیاڵان کەیلەن
شەڕەن شۆڕشەن غەوغان غەریوەن
مەر جلوەی جەمال دڵان فریوەن
نە گشت دیارێ تەجەلای توورەن
فیتنەی گیرودار قەتڵی مەنسوورناوی تایبەتەن
فنا في اللهعەرەبیان مەست دڵەفگا
بێباک مەواچان إنّي أنا اللهعەرەبی
ڕەندانی سەرمەست جان فیدای جانان
أنا الحَقعەرەبی چون زیکر زاهید مەوانان
بۆ تا بگێڕین خەسرەوی بەزمێ
چەنی هەستییە بکەرین ڕەزمێ
بەزمی چون مەجلیس بەهمەن وەکام بۆ
گا حەدیسی جەم گا باسی جام بۆ
گا گۆش نە سەدای چەقانە و چەنگ بۆ
چەم نە تەماشای ساقیی گوڵ ڕەنگ بۆ
ئەی ساقی دەخیل من وەی زامەوە
ئیلتیفاتێ کەر! بۆ وە لامەوە!
عیلاجێ پێم دەر سوودەمەندم بۆ
باعیسی حەیات قەیدی بەندم بۆ
ڕەستگارم کە لەی بەند و دامە
قەدەم ڕەنجان کەر! وەعدەم تەمامە
تەشریف باوەرە وەو سەبووتەوە
وەو پیاڵەی گوڵ ڕەنگ چون یاقووتەوە
وەو سینەی سیمین زەرفی زەڕەوە
وەو جامی گوڵ فام بۆی عەنبەرەوە
هەر کەس بگێڵۆ جامێ پەی کامێ
دەرمان پەی ئێشی هەر دەرد و زامێ
موتریب تۆیش وە چەنگ دڵنەوازەوە
وەو سۆزی سەمتوور سەدای سازەوە
وەو موزیقەی مەشق سەد قانوونەوە
دەم وە سەدای ساز ئەرغەنوونەوە
مەرباچان مەلاناسناوی ئەدەبییش نە هەستی هویش ڕەست
بی وە کاسە لێس مەستانی ئەلەست