saqî sadey şî wehar amawe
Li pirtûka:
Dîwanî Melay Cebarî
Berhema:
Melay Cebarî (1806-1876)
2 Xulek
1128 Dîtin
saqî sadey şî wehar amawe
gułan serkêşan ne toy seḧrawe
heway diłguşad erdî beheşten
ferwerwî seḧray germesêr weşten
wadey badey nab seyrî weharen
ser zemîn mezher leqay diłdaren
zemzemey mezaq dił efgaranen
seday tepłî tîp derdedaranen
weqtî noşawnoş sebûy qerqefen
dengî zeley zîl da’îre û defen
direxten sewzen şinoy şetawen
newrozen sewzen heway pay kawen
meyen me’şûqen muḧbeten meylen
xeman lebrîzen pyałan keylen
şeřen şořşen ẍewẍan ẍerîwen
mer cilwey cemal diłan firîwen
ne gişt dyarê tecelay tûren
fîtney gîrudar qetłî mensûrNava taybeten
fina fî alilhErebîan mest diłefga
bêbak mewaçan înّy ena alilhErebî
řendanî sermest can fîday canan
ena alḧeqErebî çun zîkir zahîd mewanan
bo ta bigêřîn xesrewî bezmê
çenî hestîye bikerîn řezmê
bezmî çun meclîs behmen wekam bo
ga ḧedîsî cem ga basî cam bo
ga goş ne seday çeqane û çeng bo
çem ne temaşay saqîy guł řeng bo
ey saqî dexîl min wey zamewe
îltîfatê ker! bo we lamewe!
’îlacê pêm der sûdemendim bo
ba’îsî ḧeyat qeydî bendim bo
řestigarim ke ley bend û dame
qedem řencan ker! we’dem temame
teşrîf bawere wew sebûtewe
wew pyałey guł řeng çun yaqûtewe
wew sîney sîmîn zerfî zeřewe
wew camî guł fam boy ’enberewe
her kes bigêło camê pey kamê
derman pey êşî her derd û zamê
mutrîb toyş we çeng diłnewazewe
wew sozî semtûr seday sazewe
wew muzîqey meşq sed qanûnewe
dem we seday saz erẍenûnewe
merbaçan melaNasnava edebîyiş ne hestî hwîş řest
bî we kase lês mestanî elest