لەم مەسافی عەشقەدا عاشق دەبێ بێ سەر کەوێ
لە کتێبی:
دیوانی حەمدی
بەرهەمی:
حەمدی (1876-1936)
1 خولەک
904 بینین
لەم مەسافی عەشقەدا عاشق دەبێ بێ سەر کەوێ
داری مەنسوورە بەبێ حەق کێ هەیە بێ سەر کەوێ
ئارەزووی قەتلت کە کردم شیر و تیرت بۆ چییە
کافییە موژگان و ئەبرۆت گۆشەیێکی دەرکەوێ
دڵ کەناری گوڵگوڵی کردم بە خوێنی ئاڵ و گەش
بەڵکە جارێ بێتە سەیری بەر دڵی دلبەر کەوێ
ڕەببی مووی لێبێ زمانم زیکری زلفی تۆ نەکا
گەر دەمم بێ باسی تۆ بێ بەردەمی ئەژدەر کەوێ
بۆ بەڵا بێ ڕووبەڕووی تۆ بێ دوو چاوم حازرە
ئەو خسووفەی بۆ قەمەر دێ با لە دوو ئەختەر کەوێ
زلفەکانت کەوتە سەر ڕوومەت بە بۆنی خستووم
دەستە دەستە عود و عەنبەر وەک سەری مەجمەر کەوێ
دوودی ئاهی خەستەگان و دەردی فیرقەت یەک نەکەوت
خەرمەنی عومری ڕەقیبان بەڵکە بەر ئاگر کەوێ
دەردی گرتووە نەخلی عومرم بۆ ئەڵێن بەرناگرێ
کێ بەری نەخلی مورادی سیححەتە بێ بەر کەوێ
من نەخۆشیم گرتووە بمری بەری نادەم ئیتر
دوور لە تۆ زەحمەت دەدا با لەمسەر و لەوسەر کەوێ
مونکیرت زۆرە وەرە حەمدیناسناوی ئەدەبی بنێرە کوورەوە
کۆمەڵێ لەعل و جەواهیر تا لە جێی ئەخگەر کەوێ
#