باڵی کێشاوە بەسەر حوسنا لە دوو لاوە برۆ
لە کتێبی:
دیوانی حەمدی
بەرهەمی:
حەمدی (1876-1936)
1 خولەک
385 بینین
باڵی کێشاوە بەسەر حوسنا لە دوو لاوە برۆ
وەک هوما گەییە مەقامێ پێی لەسەر چاوە برۆ
ئەمری هەر قەتلە ئیشارەی دڵ بە دوولەت کردنە
شیری میسرە قەت لە کالانا نەوەستاوە برۆ
ڕوتبەیی باڵا بە ئینسانی بچووکی قەت مەدەن
چۆن لە ڕووی ڕۆژا بزانە شیری کێشاوە برۆ
پەنجەیی ئیعجازە سایەی ما لەسەر شەققولقەمەر
یا لە قاپی مەستی نازا حاجیبی ناوە برۆ
بۆیە ساف و تیژە وەک خەنجەر لە بەختمدا سەبا
بەو هەسانی مەککەیەی زلفانەیی ساوە برۆ
ڕەنگە قەت ئەهلی موحیببەت یەک کەسی لێ دەرنەچێ
تیغی ڕاکێشاوە ئەمری کوشتنی داوە برۆ
وەک چەمەن حەمدیناسناوی ئەدەبی بە خەتتی وردە تەعریفی بکەی
چونکە ئەو ڕەیحانەیە تەعریفی هەر ماوە برۆ