بێستوون تۆزە سەنەم نیسبەت بە ئیستیغنایی تۆ
لە کتێبی:
دیوانی حەمدی
بەرهەمی:
حەمدی (1876-1936)
1 خولەک
300 بینین
بێستوون تۆزە سەنەم نیسبەت بە ئیستیغنایی تۆ
حەقیە ناگاتە خەوی شیرینی گەردی پایی تۆ
من دوعاگۆی سەرکەشی تۆم نەمکوژی لەم وەختەدا
ناکەوێتە سەر جەنازەم سێبەری باڵایی تۆ
تۆ لە خەو هەڵسی هەڵێ خۆر بەزمی حوسنت گەرم ئەبێ
ئەی سەنەم ڕۆژە مەزەننە پەنبەیی مینایی تۆ
شک نییە جیسمی لەتیفم گەر وجوودێکم دەبوو
بۆ چی جارێکی نەدیوم دیدەیی بینایی تۆ
حوسنی تۆ ئیعلانی ئیستیقلالی کرد لەم عەسرەدا
هەیئەتی خاسی وجودی دەوڵەتە ئەعزایی تۆ
عەکسی ئەحواڵی جیهانە حاڵەتی دنیایی عەشق
موحتەرەم نابێ هەتا عاشق نەبێ ڕیسوایی تۆ
هەر لە زددی قاعیدەی عیلمە کە جەمعی زد ئەکا
مەست و هوشیارە سپی و ڕەش نێرگسی شەهلایی تۆ
شەرحی خزری داوە سەبزەی مەیکەدەی پیری موغان
چەشمەیی ئاوی حەیاتە کوپەیی سەهبایی تۆ
حەمدیناسناوی ئەدەبی کورت کورتە قسەت ئاڵۆزە فکری ئەمشەوت
باسی پەرچەم کە گەلێ شێتی ئەکا سەودایی تۆ