سوراحی واعیزی ڕەندانە بێ دەنگ تا ملی نەگرم
لە کتێبی:
دیوانی حەمدی
بەرهەمی:
حەمدی (1876-1936)
1 خولەک
495 بینین
سوراحی واعیزی ڕەندانە بێ دەنگ تا ملی نەگرم
لە وەعزا وەک قەدەح گوێ چۆن لە دەنگی قولقولی نەگرم
بەبێ ئیزنی ڕەقیب ناگا بە داوێنێ نیگارم دەست
گوڵم دەست ناکەوێ تا وەک عەسا چقڵ و چڵی نەگرم
بە قانوونی گوڵان یارم لەگەڵ خەسما عەمەل ناکا
لە من ڕوو وەردەگێڕێ گوڵ کە قەدری بولبولی نەگرم
بە نووری مەعریفەت تەسخیری تالیع وەک پەری نەگری
بە زوڵماتی دوعا چی بکەم ئەگەر پەردەی دڵی نەگرم
برینی کۆهکەن دەکولێتەوە گەر من قسەی شیرین
بکەم تا هەروەکوو لالە کەناری گوڵگوڵی نەگرم
لە بێشەی عالەما هەر ڕێوییە هەڵسێ دەڵێی شێرە
لە داغی حەسرەتم چی من کە ڕەنگی پڵپڵی نەگرم
بە من چی حەمدیناسناوی ئەدەبی دنیا گەر بەهاری گوڵشەنی خەڵقە
لەکن من هەر خەزانە دەست بە ساقی سونبولی نەگرم