زەڕڕەیێکی شەوقی ڕووتە ئەی سەنەم یا ڕووتە شەمس
لە کتێبی:
دیوانی حەمدی
بەرهەمی:
حەمدی (1876-1936)
1 خولەک
407 بینین
زەڕڕەیێکی شەوقی ڕووتە ئەی سەنەم یا ڕووتە شەمس
یا بە ڕەش گرتووتە بەندی سیلسیلەی گێسووتە شەمس
ڕۆژی کێ دیوە بزانم کەوتبێتە دەس هیلال
تابیعی ئەمر و ئیشارەی پەنجەیی ئەبرووتە شەمس
نوشتەیە و بۆ تۆ کراوە کەیفی خۆتە تۆ ئیتر
دەیکەیە گەردنتەوە یا قابیلی بازووتە شەمس
هەر بە ڕوو چەرخاندنێکت ئاگرێکت پێوەنا
ڕەنگی خۆ دیارە کە برژاوە کەبابی زووتە شەمس
ڕووتە وەک گوڵ ئاتەشینە تەبعتە هەر ئاتەشین
سابیتە بەم دوو دەلیلە جیلوەیێکی خووتە شەمس
گێژەڵووکەی سوبحی ئەووەڵ هاتەوە فکرم وتم
بۆیە شوێنی کەوتوویی هەر تاجی با بردووتە شەمس
گەر قسەی ڕاستت دەوێ هەرحەمدیناسناوی ئەدەبی یە عەرزت بکا
ئەم گڵۆڵە شانە گرتوویە لە فەزلەی مووتە شەمس