بۆتە شوهرەت بۆ عەجووزێ فەرقی فەرهادی شکاند
لە کتێبی:
دیوانی حەمدی
بەرهەمی:
حەمدی (1876-1936)
1 خولەک
400 بینین
بۆتە شوهرەت بۆ عەجووزێ فەرقی فەرهادی شکاند
باسی دنیا کەن کە ئەستۆی چەندە شەهزادی شکاند
خۆی دەڕازێنێتەوە وەک بووک و شووشی هەر نەکرد
حیلەبازێکە کە دەستی چەندە دامادی شکاند
دڵ بە شاگردی لەبەرچی خۆش بکەم وا سەیر دەکەم
دوژمنی ئیدراکە دنیا قەلبی ئوستادی شکاند
من بە قەومێ تێنەگەی بێ چی بڵێم تا تێدەگەن
پشتی من یا پشتی خۆیی و قەوم و ئەولادی شکاند
سوفڵە بۆ دڵ خۆش دەکەن ئەم سوورە گەردوون دایەوە
تا بڵندی کا بزانن فەرقی ئەحفادی شکاند
ڕەببی ڕووی ڕەش بێ ئەوانەی حەمدیناسناوی ئەدەبی وا بۆ مەنفەعەت
شیشەیی نامووس و جیلوەی جوملە ئەکرادی شکاند