سوێندی درۆ بە بەختە لە تەختە قوماری نەرد
لە کتێبی:
دیوانی حەمدی
بەرهەمی:
حەمدی (1876-1936)
1 خولەک
692 بینین
سوێندی درۆ بە بەختە لە تەختە قوماری نەرد
وەرنە گوڵی دەمێ بوو لە جێی خۆی دەبوو بە بەرد
خۆ گەر درۆ شەئامەتی ببوایە هەر قەدیم
هەر داوەشا بوو ئەم هەموو خەڵقە دەبوونە گەرد
یاخود دووڕوویی زەڕڕە ئەگەر خەڵقی سووک دەکرد
گەردێ بوایە گەردی کەسێکی نەدیبوو فەرد
بۆ کوێ بچم خودا قوڕی کوێ کەم بەسەر سەرا
ژن پیاوەتی دەکا بە ئەسەف بۆیە مرد مەرد
نەخشاوە زەرد و سوورە لە زاهیر مەفکرە تۆ
وەک زەردەواڵە پرسکی زەهرێکە سوور و زەرد
چارەم نەما دیسانەوە تەرکی وەتەن دەکەم
پێم چاترە لە مەعموورەیی ئەم نەوعە چۆل و هەرد
دڵ گەرمە حەمدیناسناوی ئەدەبی فێنکی پێ لازمە بڵێ
هەر ئاهی سەردە زوو کە دەرینێ دەماری دەرد