لە ملیا بەختی من ڕەش بوو بەدەورەی خاڵییا ئاڵا
لە کتێبی:
دیوانی حەمدی
بەرهەمی:
حەمدی (1876-1936)
1 خولەک
1916 بینین
لە ملیا بەختی من ڕەش بوو بەدەورەی خاڵییا ئاڵا
لە مل دەستی کە هەڵگرت زلف بەلێوی ئاڵیا ئاڵا
بە عومری خۆی هەر ئەمجارە بە مندا چاوی هەڵهێنا
کە مەستانە نیگاهی کەوت بە دیدەی کاڵیا ئاڵا
کە مانگ و ڕۆژ ئەگەینە شەوقی ڕوخساری بە ناچاری
لە دەورەی دائیما هەر دوو بە دەورەی ساڵیا ئاڵا
قەزا پەل بەستی شێری نەڕ بکا نەی پارەیێ بەسیە
لە ملیا سەیری کەن دەستم لەگەڵ دەسماڵیا ئاڵا
برۆ میزانی دوو چاوی کە ڕاگرت تالیعی من بوو
سەری کرد وەک سەری موو چوو بە لای مسقالیا ئاڵا
لە شەکراوم گەلێ پێ خۆشترە قاوەی شەکەرلی من
لە دەم تا هاتە دەر شەککەر بەجوێنی تاڵیا ئاڵا
تەماشای شەهسواری ئاسمانی فەخری عالەم کەن
کە حەمدیناسناوی ئەدەبی ئەسپەکەی بەدرە بەدەورەی ناڵیا ئاڵا