سێبەرت ئەم عەسرە داریدا بە ڕۆحی عەرعەرا
لە کتێبی:
دیوانی حەمدی
بەرهەمی:
حەمدی (1876-1936)
1 خولەک
451 بینین
سێبەرت ئەم عەسرە داریدا بە ڕۆحی عەرعەرا
سەجدەیی شوکری کە پێ برد کەوت بەسەر تەوقی سەرا
خۆر لە تابی شەوقی مەهڕوخساری من کوللی شەوێ
چاوی هەڵنایە لە بەرتا وا لە جێگەی سێبەرا
بادەنۆشانی سەبووکەش سەهلە گەر هیممەت بکەن
هەر لە دوردی جامی مەی قوڕ دەن بە چاوی کەوسەرا
خاکسارێکی وەکوو من چۆن دەگاتە قاپی یێ
بۆ جەلال و شەوکەتە حەلقەی لە گوێچکەی قەیسەرا
شەخسی ساحێب نیعمەتە مەعرووزی فیتنەی ڕۆزگار
باغەبان ناچێ بەگژ دار و درەختی بێ بەرا
بێ تەئەممول زەحمەتە دۆزینەوەی ڕێگەی نەجات
ناخودا ئەم مەسرەعەی نووسی لە گێژی لەنگەرا
ئاگرێکی کردەوە حوسنت لە سەحرای ئولفەتا
بۆ حەسوودان ڕەنگە دۆزەخ بێ لە ڕۆژی مەحشەرا
حوکمی شەست تیری هەیە بۆ دڵ نیگاهی چاوی مەست
تیر بە شوێن تیرا دەکا نەشتەر بە شوێنی نەشتەرا
من هەزار دەفعە بڵێم زەحمەت یەکێ باوەڕ دەکا
ڕۆژە وەک ئەڵماسی پڕڵانتە لە پەنجەی ئەختەرا
حەمدیناسناوی ئەدەبی سەودایی چلۆنی وا لە ژێر سەردا سەرت
ناوی ئەو شۆخە دەنووسێ شەو لە خشتی ژێر سەرا