بە غەیری داغی دڵ نەقدم هەچی بوو چوو لەبەر پێتا
لە کتێبی:
دیوانی حەمدی
بەرهەمی:
حەمدی (1876-1936)
1 خولەک
684 بینین
بە غەیری داغی دڵ نەقدم هەچی بوو چوو لەبەر پێتا
سەرم مابوو بە سەر گەردی ئەویش کەوتووە لەسەر ڕێتا
لە ڕەسمی عاشقی زەحمەتترە مەعشووقەیی یاران
کە کەس ساتێ بەسەر نابا وەکوو لەیلا لەگەڵ شێتا
دەترسم ڕاحەتت لێ تێک بدەن ئەڕواحی عوششاقت
کە شەو بەو شەوقەوە غافڵ لە گەردش نین بەسەر جێتا
ببینێ هەر کەسێ برژانگ و ئەبرۆ و چاوی مەستی تۆ
دەڵێ خوێنڕێژە ئەم مەستە بە ئیستیدلالی هەر سێتا
چ مەخلووق و چ خالیق خۆشیان نایە لە بێ جێیی
لە دوو دنیام دەکەی ئەی دڵ بە هاتووچوونی بێ جێتا
بە مشت پێوانەیی دەریایە باسی حوسنی تەنیا مووت
کە ناکەم گەر بخوێنم شاهنامە سەد کەڕەت پێتا
بە سەردی مەیلیا نێزیکە حەمدیناسناوی ئەدەبی گەرمی حیددەت بێ
کە لەرزێکی لە دنیادا نەدیوە هیچ کەسێ بێ تا