ئەگەرچی پیرە دنیا سەیر ئەکەی هێشتاکوو منداڵە
لە کتێبی:
دیوانی حەمدی
بەرهەمی:
حەمدی (1876-1936)
1 خولەک
580 بینین
ئەگەرچی پیرە دنیا سەیر ئەکەی هێشتاکوو منداڵە
وەکوو میوەی شەرابردوو ڕزیوە ڕەنگی هەر کاڵە
هەمیشە بیکرە دنیا چونکە مەعشوقی کەسانێکە
خەیاڵی دەرکی بێ کوێرە ئومیدی نوتقی بێ لاڵە
هوما ئێسکی سووا هێندە گەڕا بۆ تۆزە ئێسقانێ
کەچی لاشەی قەڵە و دایم لەسەر خوانی قەل و داڵە
دڵم پڕ داغە جەرگم خوێنی لێ دەتکێ وەکوو لالە
کە من سووتاوی ئەو لێوەم دەبینم مەسکەنی خاڵە
درێژ و کورتی عومری ئەهلی دنیا تابیعی عەیشە
فیدای شامی ویسالێکە لە هەجرا عومری سەد ساڵە
بە ڕەنگ و بۆ نییە ئیحسانی دنیا هەر بە ڕێکەوتە
لە نەی شەککەر دەبارێ ژاڵە بەو شیرینییە تاڵە
وەرە حەمدیناسناوی ئەدەبی ئەوی ماڵە لە پێش خۆتا ڕەوانەی کە
ئەوەی بێ جێ کە چوو وا چوو ئەوی جێی بێڵی کەی ماڵە