ساقی وەرە مەستانە بدە جامە شەرابێ
لە کتێبی:
دیوانی حەمدی
بەرهەمی:
حەمدی (1876-1936)
2 خولەک
1078 بینین
ساقی وەرە مەستانە بدە جامە شەرابێ
یەک لوقمە کەبابێ
نێزیکە ئەجەل فرسەتە عومرێکی کە مابێ
با سەرفی سەفا بێ
جامێ بدە پەیمانەشکەن بێ بە هەموو دەم
تا عەهدی کەی و جەم
خەمرێ بدە بیدا بە هەموو جورعە شەبابێ
نەشئەی مەیی نابێ
بنواڕە کە دەورەی من ئەدا گونبەدی ئەفلاک
وەک کەرگەسی سەر لاک
تۆ بەر لەوە ئەییامی بەهارم بە شیتا بێ
بۆ بەزمی شیتابێ
سازیکە نەفس نۆبەتە سا سینە کەمانێ
ئەی پەنجە چغانێ
تارێ لە ڕەگی ڕۆح و لەسەر دەنگی ڕوبابێ
نەک نەشئە ڕوبابێ
حۆری نەسەبی خۆر لەقەبی ماهـ نیشانی
میوانە زەمانێ
پەروینە بڕەقسێت و سوهەیلە بە سەما بێ
تا خەیمە سەمابێ
غارەتگەری چینی بەسەر و توڕڕە و پەرچەم
یا جیسمی موتەڵسەم
ئاهـ و نیگەهی عەینی غەزالانی خەتا بێ
یا عەینی خەتا بێ
با جامی جەمم بێ قەدەح و ئابی بەقا مەی
ساقی حەتەمی تەی
ناڕازییە دڵ مومکینە ئەو وەختە ڕەزا بێ
جانانە ڕەزا بێ
هەر نەشئە لەسەر نەشئەیی هەر کامە لەسەر کام
هەر جامە لەسەر جام
ئەم عەسرە ئەسەف حەمدیناسناوی ئەدەبی لە دەریایی غەما بێ
وەک خۆر لە تەما بێ