ئەنجومەن ئارایە ڕوویی ئەنوەرت
لە کتێبی:
دیوانی زێوەر
بەرهەمی:
زێوەر (1875-1948)
1 خولەک
850 بینین
ئەنجومەن ئارایە ڕوویی ئەنوەرت
تووتیایە بۆ بەسەر خاکی دەرت
زەمزەمە یا کەوسەرە چاهی زەنەخ
لەعلە یا یاقووتە لێوی ئەحمەرت
کەسبی هاڕووتی ئەکا چاوی ڕەشت
چەندە فەتتانە جەماڵی ئەسمەرت
بێ سەبەب لێم زویر ئەبی لێم دوور ئەبی
جان و دڵ هەر دوو بەقوربانی سەرت
حوسنی بێ پەردەت پەسەندی عالەمە
بێ موبالاتی لە زیب و (زێوەر) ت