گەر چی بە دەمی تیغی برۆت قیمە کراوم
نامەیەک
لە کتێبی:
دیوانی ئەخۆل
بەرهەمی:
ئەخۆل (1911-1988)
1 خولەک
591 بینین
گەر چی بە دەمی تیغی برۆت قیمە کراوم
هەر باقیە دوو دو گڕی دڵ جەرگ و هەناوم
سۆزانە هەمیشە لە جگەر ناری فیراقت
جەریانە سروشکم پە مەسەل دیجلە لە چاوم
دەست بەستە و دڵ خەستە و زامار و ئەسیرم
توخوا بگە فریام وەرە زوو بەستەیی داوم
گریانە، خرۆشانە عەزا و شینە لە دەورم
ڕەحمێ بکە بە قوربان کە لە دەست چووم و نەماوم
ئەی شۆخی دڵ ئازارم و ئەی ڕاحەتی گیانم
مەرهەم بکە ناسۆری دڵ و زامی کوڵاوم
ڕابورد لە فیراق و خەمی تۆ عومری جەوانیم
هەر دامەنی وەسڵت نەگەییە دەستی شکاوم
دێوانە و حەیران و سەراسیمە و دەروێشناسناوی ئەدەبی
بەم ناوەوە ڕۆژی ئەزەلی ناوییە ناوم