فتح نوشتن سلطان یقین بە شاه دل

لە کتێبی:
کۆمەڵەی شیعری فەقێ قادری هەمەوەند
بەرهەمی:
فەقێ قادری هەمەوەند (1830-1890)
 1 خولەک  573 بینین
نیشت نە تەخت زەڕ، سازا بەزمگا
پەی سوڵتان دڵ عەرزەش کەرد ئینشا
زەبت سێ ئێقلیم و شکست عەدوو
ڕەواج ئەکام ئەحمەدی هەرسوو
هەم نەسخ قانوون، مەعموورەی ئەملاک
هەم جیهان جە شەڕ دێو لەعین پاک
یەک یەک جە عەرزەی تەحریر کەرد ئەدا
چاپار ستانا ڕەوان بی نە ڕا
نە بەڕۆ ئارام، نە شەو کەردش خەو
مەنزڵان بڕی بە دەوان دەو
سوجدە بەرد بە شاهـ نامەش کەرد تەقدیم
سپەردش سوڵتان نامە بە نەدیم
نامەی سەروەمۆر نەدیم کەرد گوشاد
کەردش قیرائەت، سوڵتان بی دڵشاد
خەیلێ بەسوڵتان یەقین کەرد تەحسین
بەو فەڕ و ئیقباڵ کولاهـ و نگین
سوڵتان نە جەواب تەحریر کەرد فەرمان
چەنی هەدیەی نەو پەرێش کەرد ڕەوان