گفتار در ترتیبات خلقت انسانی

لە کتێبی:
کۆمەڵەی شیعری فەقێ قادری هەمەوەند
بەرهەمی:
فەقێ قادری هەمەوەند (1830-1890)
 1 خولەک  477 بینین
وەی تەورەن ئوموور زات ئەکبەری
ئێدەن تەقازای خەلق بەشەری
چل شەو کێم وخوون، گۆشت پارە چل شەو
بە چل شەو ئەعزاش موجەسسەم مەبۆ
هەم زیندەن پەنج ماهـ جە بەتن مادەر
خۆراکش خوونەن بێ سەمع وبەسەر
ئاما بە دونیا خۆراکش شیرەن
جە گەهوارەی دەرد دنیا ئەسیرەن
تا حەدد بلوغ جینس ئینسانی
مەئمورەن بە ئەمر نەفس حەیوانی
جە عەقڵ و جە هۆش نەدارۆ ئەفکار
هەم بێخەبەرەن جە هەر کار و بار
جە حەدد بولووغ ئەر بی خەبەردار
ئەر عەقڵش جە خاو غەفڵەت کەرد بێدار
پەی ئیتاعەی شەرع مەکەرۆ شورووع
شەڕ سێ ئیقلیم جێش مەبۆ مەمنووع
ئەر بە تەبیعەت سەلەف کەرد تەقلید
نەکەرد دەفع نەفس و ئیبلیس عەنید
کەم کەم جە تەریق دین مەبۆ پەنهان
مەبۆ وە بارکەش غوول بیابان