بە دڵ ئەو لاوی جارانم دیوتم
دوا چاوپێکەوتن
لە کتێبی:
دیوانی ئەخۆل
بەرهەمی:
ئەخۆل (1911-1988)
1 خولەک
1166 بینین
بە دڵ ئەو لاوی جارانم دیوتم
ئێستاش دڵخوازی ڕەنگی پەڕیوتم
ئەو عەشقەی وەک باز نیشتوە سەر تۆ
ئێستاش باڵشکاو کەوت لە پەلوپۆ
ئەو چاوەی پڕ بوو لە نیگای جوانی
ئەو چاوەی پڕ بوو لە کامەرانی
ئەبینم کە وا ڕۆژگاریی ڕەش
کزی کردووە جیلوەی جوان و گەش
ئەشبینم کە وا ئەو سەر کوڵمانەت
ئەو بەژن و باڵای وەک خەرامانەت
ئەو زەردی تێزاو، ئەمیان چەماوە
بەڵام لە لای من هیچ نەگۆڕاوە