بیان عقیدە اهل معتزلە و قول باغیان در این امر
لە کتێبی:
کۆمەڵەی شیعری فەقێ قادری هەمەوەند
بەرهەمی:
فەقێ قادری هەمەوەند (1830-1890)
2 خولەک
600 بینین
بەعزێ عولەما هەن موعتەزیلە
بە زەعم وێشان بەستەن مەسئەلە
مەواچان جەننەت ئەو موڵک ئەعزەم
تا ئەلئان خەلقش نامان بە ڕەقەم
چون جە بزورگیش حەق کەردەن سیفات
نمەبۆ گونجاش جە تۆی مومکینات
ڕووشان سیا بۆ ئەو موعتەزیلە
سا چون جە قورئان داریم ئەدیللە
ئەوسا مەوجوود بی ئادەم نە جەننات
خۆ هەر باقی بین جوملە مومکینات
سەیر کەن جە قودرەت «رب العالمينعەرەبی»
ئینس و جین چتەور مەخلووق نە زەمین؟
کێ هەن ببینۆ یەک جە جیننییان
یا جە زوڕڕییات ئیبلیس و شەیتان
ئەو کەس گونجا کەرد ڕۆح جە تۆی قاڵب
هیچ کام نە هیچ کام نمەبان غاڵب
هەم موقتەدیرەن فاعیل موختار
جایێ پەی جەننەت کەرۆ ئاشکار
یا نە جەوف عەرش قات قات چون کیتاب
یا لەف چون مەلفووف تۆمار بە حیساب
سەیر کەن پەی تەکزیب موعتەزیلەی خەر
چتەور بی ئیسبات جەننات و سەقەر؟!
موخبیر سادق خواجای کائینات
ها ئێستە چتەور گێڵیا نە جەننات؟
«فەقێناسناوی ئەدەبی» حیکایەت خامان کەر کۆتا
سەلام دەر بە ڕۆح «عروة الوثقیعەرەبی»
یاڕەببی بە وەزن جوملە مومکینات
بەر نەبی و بەر ئال نەبی سەلەوات
جە لوای نەبی بڕانە کەلام
بەر نەبی و بەر ئال نەبی سەد سەلام