byan ’iqîde ahil mi’tizle û qul baẍyan dir ayn amir
Li pirtûka:
Komele Şîrî Feqê Qadirî Hemewend
Berhema:
Feqê Qadrî Hemewend (1830-1890)
2 Xulek
836 Dîtin
be’zê ’ulema hen mu’tezîle
be ze’im wêşan besten mes’ele
mewaçan cennet ew mułk e’zem
ta el’an xelqiş naman be řeqem
çun ce bizurgîş ḧeq kerden sîfat
nimebo guncaş ce toy mumkînat
řûşan sya bo ew mu’tezîle
sa çun ce qur’an darîm edîlle
ewsa mewcûd bî adem ne cennat
xo her baqî bîn cumle mumkînat
seyr ken ce qudret «rib al’almînErebî»
îns û cîn çitewr mexlûq ne zemîn?
kê hen bibîno yek ce cînnîyan
ya ce zuřřîyat îblîs û şeytan
ew kes gunca kerd řoḧ ce toy qałb
hîç kam ne hîç kam nimeban ẍałb
hem muqtedîren fa’îl muxtar
cayê pey cennet kero aşkar
ya ne cewf ’erş qat qat çun kîtab
ya lef çun melfûf tomar be ḧîsab
seyr ken pey tekzîb mu’tezîley xer
çitewr bî îsbat cennat û seqer?!
muxbîr sadiq xwacay ka’înat
ha êste çitewr gêłya ne cennat?
«feqêNasnava edebî» ḧîkayet xaman ker kota
selam der be řoḧ «’iruة alusqîErebî»
yařebbî be wezin cumle mumkînat
ber nebî û ber al nebî selewat
ce lway nebî biřane kelam
ber nebî û ber al nebî sed selam