minacat
Li pirtûka:
Komele Şîrî Feqê Qadirî Hemewend
Berhema:
Feqê Qadrî Hemewend (1830-1890)
2 Xulek
1040 Dîtin
«feqêNasnava edebî» ney cada biker munacat
binał ne dergay «qazî alḧacatErebî»
ya ḧey be ḧurmet ew weqit û se’at
bendey piř gunah biderî necat
hem kudrûn zenb baren be gerden
hem şermesarîm ce ḧed wiyerden
hem ẍufran zenb hem ’etay îman
hem řehayîy bend ney çah zîndan
beşq zat wêt ře’ûf letîf
her sê ’etaker bey bendey ze’îf
yařebî! enwar dirûd bê ḧîsab
ber muḧemmed bo û ber al û esḧab
be ḧurmet nûr şahîd û şefî’
hem ber ême bo kêşanim tesdî’
sa du’ay nebî yawa be xîtam
swar bî seyîd bê sebir û aram
ce tundîy buraq quwey peř û bał
esed bî zuhre sunbule pamał
tilû’ kerd kewkeb necyîw sefî
’etarîd sersam seretan xefî
cewza muşterîy nûr cemalen
delu ne ḧesret ab wîsalen
mîřřîx ne ’eqreb zuḧel zebûn bî
cedî û ferqedan keywan nigûn bî
çun terkeş ne qews qeza û qeder bî
zû zeneb bestey mêx xeter bî
sewr ne semek mand beřře buryan bî
behram ne mîzan şe’ra ḧeyran bî
sureyya mesrû’ suheyl bî ẍirûb
muxtel bî benat ne’iş ne pakûb
buraq be quwey cenaḧ da nehîb
meh kerd we panał xurşîd be řikîb
ser tewq ’elem sîlsîley xatem
ce şeşem guzeşt serda ne heftem
ce seray heftem be emir qudret
şems nibuwet berdin pey cennet
ce seḧray meḧşer mîzan û ḧîsab
guzeşt ce dozex sîrat be şîtab
nehran û ḧewzan cennat û qusûr
kursî xeymegah xyaban û ḧûr
teḧit û fewqanî heşt qît’ey beheşt
tûbay semerî yekser kerd guł geşt
ḧasił bî berzex be ’îlim le dun
«ma tiştihî alinfis, tilz ala’înErebî»