بۆ ئومیدی

گیانە، گیانە...
بە هەناسەی پڕ لە هیوات
لە ئاسمانی گیانی تۆدا...
وەک باڵۆنی خۆشەویستی، بەباڵ کەوتم
لەگەڵ ناز و حەزی گەرمت
بەکارەبای جوولەی مەمکت
لەناو بێشکەی چاوت خەوتمگیانە ئافرەت...
کەنامەی ئاگرینی تۆ
بەفووی دینار کوژایەوە
کەفرمێسکی یادگاری و بێچارەییم ڕژایەوە
بەفری سەفینم ڕشتە نێو باوەشی تۆ
وتم دڵسارد... دەی تێر بخۆکە پیرۆزباییم لێ کردی...
ئەنگوستیلە و کات ژمێرە بچکۆلەکەت
وەک خەم ژمێر وەردەگێڕا
ئەوکاتە بوو... دەستت بەناو جەرگم گێڕا.خۆ دەزانم...
ئێستاش چاوی پەشیمانیت لە گریانە
بەڵام چی بکە..چی بکەین گیانە
نەت زانیوە
(لە جێی قوزەلقورت، سندانە)