زللەی موعەللیم ئەو گوڵی ڕوومەتییە خستە تەب
لە کتێبی:
دیوانی مەحوی
بەرهەمی:
مەحوی (1836-1906)
1 خولەک
2343 بینین
زللەی موعەللیم، ئەو گوڵی ڕوومەتییە خستە تەب
تبّت يدا ابي لهبعەرەبیی بێ ئەدەب و تبّعەرەبی
ئازاری دام و هەر کەسە کردی لە گردی خۆی
هێزم کەشی جەهەننەمە حمّالة الحطبعەرەبی
زاهید، خودا لە ناوی بەرێ، ناوی عاشقان
بۆ چێ دەبا ئەوەندە، خودایا، بە بێ ئەدەب!
دڵ هەر بە داخی عیشقە ئەگەر ئیمتیازی بێ
وەک نوقتەی ئینتیخابە لە سەر شیری مونتەخەب
واعیز لە من بڵێ بە نەزەر تەعنە بەس بدا
دینی بتانە دینی من، ئەو مەزهەبی زەهەب
هەر ڕۆژە مردنێکیە بژیێ بە ڕۆحی وا
دەستی کە وێ بەگرتنەوەی دەستی بۆ تەلەب
بابی وتی بە هامە: غەزەب. ئەو بڵێسەیە
بەربۆتە ڕۆحی بابت و بەر عومری بوولەهەب
هەم دەمکوژێت و دین و دڵیشم دەبا، دەڵێ
من من قتلعەرەبی، ئەمیشە قەتیلم، لي السّلبعەرەبی
مەحوەیی وت و زوبانی جوابم نەبوو، گەڕا
لێوی لە لێوم، ئەو دەمە ڕۆحم گەیشتە لەب