شێخ هۆمەر

لە کتێبی:
دیوانی شێخ ڕەزای تاڵەبانی
بەرهەمی:
شێخ ڕەزای تاڵەبانی (1831-1910)
 1 خولەک  974 بینین
هەر لە ناکاو زرمەیێ هات، کێی کورە؟ شێخ هۆمەرە
شێخی چی مردووت مرێ، بۆچت نەگوت جاشەکەرە
دەردی لوقمەی گرت لە ناکاو شێخە توهمەت کارەکە
ئەو قیافەت حیزەکەی هەیئەت وەکوو کەمتیارەکە
قۆخ وەهای لێ کرد، لە جێی قۆخ کاشکی پۆخی خواردبا
شێخەکەی، دەم چەوتەکەی، لچ گێڕەکەی، لێوخوارەکە
کوردە بێ نامووسەکەی، گۆرانە قوڕمساغەکەی
حیزەکەی، بێ دینەکەی، کەربابەکەی بێ عارەکە