بەفری خەم
لە کتێبی:
شاری دڵ
بەرهەمی:
سەید کامیل ئیمامی (1903-1989)
1 خولەک
877 بینین
با بە یادی شەمعی ڕووت، پەروانە بێ
گیانەکەم، دڵ بێ دڵت وێرانە بێ!
بەفری خەم دیسان لە سەر کێو کەوتەوە
ڕەنگە پەڕ دەرکات و لێم دێوانە بێ
مانگی جێژن با ببێ ئاوا، بە توون
ڕەببی ڕۆژی ڕووت لە من ئاوا نەبێ
تۆ کە لای من نی، نەماوە زیندەگیم
خێر و خۆشیم بۆ چییە هەر با نەبێ
بێ تۆ کەی جێژنە، هەزار مانگ نوێوە بێ!
گەر ئەتۆش بێی، ڕۆحەکەم جێژنانە بێ