بێ پەڕ و باڵ
لە کتێبی:
شاری دڵ
بەرهەمی:
سەید کامیل ئیمامی (1903-1989)
1 خولەک
608 بینین
قەت بە غەمی کۆنەوە وەرناکەوم
ڕۆژ و شەو و لەیل و نەهار ناسرەوم
غوسسە لە سەر غوسسە دەخۆم بێ وچان
گەرچی لە ژێر باری گران نانەوم
ڕەحمی خودا زۆرە بە ئوممێدی ئەو
ڕادەبوێرم بەڵێ ڕۆژ و شەوم
غەم وەکوو شاهین بەرەوڕووم دێ بە قین
ئەمنی هەژاریش بە خودا وەک کەوم
بێ پەڕ و باڵ هاتمە بەردەستی ئەو
تاکوو بە یەکجاری بە لادا کەوم