لشکرآرایی مهدی عامری

لێرەدا ئەو نوسخەیەی کە بە خەتی خوالێخۆشبوو میرزا جەعفەر داریانی بووە تەواو دەبێت و کەڵک تەنیا لە نوسخەی خوالێخۆشبوو شێخ عەبباسی وەردەگرین. وەک پێشتر باس کرا، یەکێک لەو دوو دەقەی کە بوونە سەرچاوەی ئەم کتێبە، دەستخەتێکی خوالێخۆشبوو میرزا جەعفەر داریانی بوو کە بەڕێز عەبدوڵڵا بەگ ئەمینی لە جوانڕۆ مەرحەمەتی ئەوەیان فەرموو. ئەم نوسخەیە بە نێوی کتێبی «نۆفەڵ شا و مەجنوون» کە بەشێکی گرینگی لەیلێ و مەجنوونی خانای قوبادییە لە ساڵی ١٣٦٧ی کۆچی مانگیدا نووسراوە. وادیارە ئەسڵی ئەم نوسخەیە پێشتر لەلایەن کەسێکی ترەوە لە ساڵی ١٢٠١ی کۆچی مانگیدا نووسراوەتەوە، چون لە ئاخری کتێبەکەوە بەیتێک دێنێ. بەڵام بە داخەوە نیوەی هەوەڵی نەخوێندرایەوە، دەڵێ «سەنەی هەزار و دووسەد چەنی یەک». ئەم نوسخەیەش بەم چەند بەیتەی خوارەوە کە دیارە هیی نووسەر خۆیەتی، نەک خانا، تەواو دەبێ.