lişkir’arayî mihdî ’amrî
Li pirtûka:
Leyla û Mecnûn
Berhema:
Xanayê Qubadî (1704-1778)
20 Xulek
1058 Dîtin
dû sipay ’ezîm řû kerden be hem
mewcişan meda çun beḧrî qulzem
aman we meydan şêxan kebîr
e’rabî merdan, ce buřnaw û pîr
şêran boran, diřindan piłeng
ce bêşey merdî aman perê ceng
daşan we hemda pyade û swar
ce tiłû’ şems ta xor bî pêwar
ew sewgendiweran piř laf û gezaf
şikest awerden ne ’ersey mesaf
çun dac deycûr ama ne řûy kar
luwan be çadir be zar û zigar
seḧer hurêzan be hem bîn laḧîq
ceyş ’amîrî û benî mesaḧîq
çend sipa coşan ce herdû teref
xêra bang berz axî la tixifErebî
dan ne tepił kos, neqare û şeypûr
sipay ’amîrî baz hem bî xapûr
qeys bar be lêw kerdiş xeyałê
tûlanî wêney dirazîy sałê
kefit ne kurey germ pejarey leylê
dest kerd be fuẍan, şîn û waweylê
watiş ey êqbał, bext şûm çaran
sya çun qetran qutûy ’etaran
qełemzen ew řo qełem girt ne mişt
nwîsî ne çarem ziştî ’ałem gişt
sed nifrîn we bext, ce tifłî syam
dirêẍ ce ezeł ce mader nebyam
er mebyam leylim her nedya we çem
sakin bîm ce derd, ce endûh û ẍem
îse ha ginam we maceray sext
ce no seng sext waryan we bext
er sed maçan qeys wêł herdanen
î derde sermeşq girdîn derdanen
dûr bo ce gerdiş gerdûnî bê yil
şikist bawero we bawan leyl
fayq bo nofeł leyl, baro we ber
bed meyo neřam ce bedan bedter
ye çon mebo leyl şay çem syawan
we zor bikêşo ce yaney bawan
bilerzo we xewf dest baładest
cemîn bo esir nergisan mest
ẍubar panał binîşo ce xał
gerdi’alûde bo zucacey zułał
nimîn bo cemîn ce nimay camş
peşêw bo zułfan xeyatey xamş
şerarey sebûn, heway germ û serd
teẍîr do we şewq lîmuwan zerd
qetrey ma’walwerdErebî text pêşanîş
cem bo ne ’emîq çay zîndeganîş
serwaz bo ne lewḧ sîney sîm saf
taf bido pey genc ḧecerey du naf
řoj mematim ew řoj îzhar bo
zîndegî zułmat, çemanim tar bo
meşnewom we goş, newînom be çem
zibanim lał bo newaçom we dem
xas êden řecmim bikeran we seng
newînom cemał leyl we xatir teng
kes nîyen kero ’îlac î derd
mer her xudawend tak tenyay ferd
desiş pey ḧacat berd pey munacat
we qapîy qezay «qazîw alḧacatErebî»
watiş ya kerîm karan betał ker
şahan we mufils, geda we mał ker
ya kilîd fetiḧ gird nam aweran
nofełî ney ceng zefer naweran
’eyben pey min û xanewadem gişt
meban we taney necdî pişteł pişt
êł ’amîrî fayq bo lêşan
sizay hezar sał bideran pêşan
munacatiş kerd heta ke tawa
du’aş we hedef îcabat yawa
ẍerez dû serdar dû walîzade
herdû sipaşan ce hem amade
ce seḧray duceyl sef aray cem bî
sersinan we zor bazuwan xem bî
çekaçak seyf şeqqey çar ayîn
çar ayîn let let amawe payîn
hey hey ce neberd ’areban ḧey
be wate maçan ’areb řoj hey
ne qirpey serney cergey cwanan
melayk dest kerd be laḧewl wanan
qedarey ne ferq xûdey xunxiwarî
menmana çun tac xirûs larî
şeqey şeş peřan çun berq bała
ce zayełey řezim çun bezim kała
ce du’ay mecnûn be ḧukim barî
ḧerbey lay nofeł nime bî karî
maman be meydan dił be qînewe
saq siper we řûy sedir sînewe
wextê pey ẍenîm mekerden aheng
dîdeşan megird perdey tar û teng
baz meşîn xicił we yagey wêşan
de’wa û dar û gîr nemama lêşan
teḧqîq bî lêşan qeys du’a kerden
îltîca we esił mudde’a berden
şêx mesaḧîq, umeray uweys
destişan pêça we daman qeys
sed aman hey qeys, du’a pey xeyl ker
hey pey wesił leyl dił taze meyl ker
dû deryay leşker we hem coşanen
namradit keran ye pey toşanen
înşała nofeł nawero şikest
leylê çon şabaz mesparot we dest
mebîn we nişan tîr melamet
dîdar nemano ta řoy qyamet
mebîn we ser jan qewm û bêgane
teqazay fetiḧ ker ce lay yegane
mecnûn we îxłas we yeqîn saf
lała we dergay bêstûn tenaf
du’aş kerd pey fetiḧ tayfey nofeł
watiş ya kerîm, bînay bê bedeł
’esker ’amîr şa, ceyş cebełî
zelîl ban we dest qewm nufełî
xecałetî qewm nemano pey min
du’aş qebûł kerd yektay «zwalmininErebî»
be ḧukim bê çun padşay bała
nofeł çun sêław ’amîrî mała
şikestişan werd, bełam kam şikest
hîç eḧyay îxtyar nemendiş be dest
ce ters tarac kerdişan endêş
herkes cehdiş kerd pey etfał wêş
nofeł çenî qewm ferawan xeylê
ḧemłe ber we xêł bawan leylê
mehdî ferar bî ne ew ’ersegah
nofeł şî we der qubbey xeymegah
xwaceş pyade kerd şî we yanewe
leyliş ber awerd we giryanewe
naqey ew naqe cemazey wêş bî
satê çun xeyał sed ferseng řêş bî
naqeşan awerd, kejawe bar bî
neşnoy simûm şems nadyar bî
yek dû menził be şadmanî
be ’eyş û ’uşret, be kameranî
yek řojneřay koç hewa ẍubar bî
xwace kefit ne pêş qoşen swar bî
ce nagah mehdî we giryanewe
çenî çend nefer dił biryanewe
ama boseda řikab nofeł
be çerb zibanî, dił piř ce deẍeł
wat ey cwanmerd, mecnûn dêwanen
hamřaz wiḧûş, byaban yanen
bêxud perê qeys mekêşî cefa
ferîftey dêwen nedaro wefa
nam wêş û leyl, eqwam û tebar
řîsway ’am kerden temamî yekbar
ew ma’îl nîyen we jin û ’eyał
daym meşnon be xaw û xeyał
er serim paçî we qedarewe
kerîş awêzan we qenarewe
leylê nimedom min we qeys şêt
necatim bider çonen selay wêt
pareş mekerom we têẍ tazî
mederoş we seg we qeys nîm řazî
leyl pey wêt xasen cwanmerdenî
lêm lade lader ey neng herçî kerdenî
sułḧê bo be’den dujmenî êłat
wêt walî zadey me’lûmen celat
nofeł wat xelaf wîcdanen mehdî
dûren ce merdî û bedî û bed’ehdî
min şertim kerden qeys yawo be leyl
mehdî wat nofeł derûnim hen keyl
karê bo mecnûn neyawo mirad
deynim we gerden, herçê bada bad
nofeł ce watey mehdî bû melûl
pêçya we hem çon mêwî meftûl
řahî bî we řa mehdî şî we pes
megêła ce dewr sipaş wêney ’eses
mama ’amarî leylê we řawe
řiştey suheylê netoy kejawe
germ bî heway badîyey sozan
ce germîy simûm nar firozan
pey qezay teqdîr xwacey duceylî
daş we lay yek semit kejawey leylî
nofeł nîgah kerd kejawe waz bî
xałî ce eẍyar cergey ẍemmaz bî
weswesey şeytan wiyaraş ne dił
watiş min kêşam cefay bê ḧasił
ḧeyf nedîm cemîn camił leylê
bewate maçan, wecîhen xeylê
ew xasen yekcar bwînoş we çem
sakin bo dûren ce endûh û ẍem
nîgah kem we ’eyn xerîdar wêm
selîqey mecnûn îmtîḧan bo pêm
eger mecnûn ḧeqiş be desten
werne maderzad dêwane û mesten
keç kerdiş ’enan we behaney werim
nehanî swar řewan bî we nerim
dił ce weswese, çem we xawewe
kem kem tekiş da we kejawewe
dîş leylê we naz çwar zanû nîşten
ce qedem ta ferq nûr pêda weşten
bedrê sazîyan pey şewq zemîn
qur’an mewano ew xurşîd cemîn
sef besten ḧey tar ce sefḧey qemer
zibanş kêşan pey çerx exzer
leylê çi leylê çun ḧor beheşt
sun’ subḧanî, firîşte sirişt
leyl çi leyl ḧorîy řewzey řizwanî
řiştey kilk sun’ manî subḧanî
xał çi xał mer le’il bedexşan dêz
le’il eḧmer bêz, mercan yaqût řêz
tey nîşan we seḧif textey bilûren
her maçeş xerac mułk feẍfûren
guł ’ereq ne text ḧełqey pyałe
çun baran ne wext wehar ce lale
mesḧefiş nyan we bałay zanû
pey defi’ eşrar qur’an mewanû
ḧerf ḧelq, îdẍam, yermelûn, îzhar
qa’dey qera’et, tecwîd aşkar
qera’et çi new’, med çun mekîşo
lerze we endam şêran menîşo
ẍunne û şefewî, sefîr û teşdîd
yasay qur’an wan qa’dey tecwîd
wanay qur’anîş pey defi’ deḧel
bî we damangîr pey nezi’ nofeł
sub seday bułbuł ce hengam guł
meboş giriftar çił be hezar çił
be’zê ḧerfiş kerd we dam û tezwîr
bî be dam çił murẍ nofeł gîr
nofeł bî we neqiş muqeway şaran
ze’îf bî çun guł sał bê baran
xeylê nigaş kerd serasîme mend
û an yikadErebî pey dîdey bedwend
tîrê ne fîtrak bał we hem peywest
ce qews keman nergisan mest
ca beca ne cerg şay nofeł ca kerd
řîşey cerg û dił ce hem cya kerd
dest zelîlş gird be zamewe
perê daney xał bî we damewe
tewq tuẍray ziłf leyl gird ne gerden
bînaş kerd we kar qetił qeys kerden
xeylê xeyałan awerd ne derûn
wat çenî mecnûn mebo çêş kerûn
wat er bikuşûm huweyda mebo
hûn we bê teqsîr lêş peyda mebo
mebûm we ser jan qebîley ’ereb
mebûm we ba’îs bednamîy menseb
er waçon pey wêm be zor awerden
’ereb ce ’ereb key esîr berden
xas êden ce bezim cam meynoşî
biderom be qeys badey xamoşî
ta řoy qyamet nexêzo ne xew
leylê perê min, seng serapey ew
nawerdiş be yad îslam û ayîn
ce ’ehd û peyman ama we payîn
kefit ne fîkir xam, xeyał batił
çenî xeyałan yawa be menził
saqî tełeb kerd, watiş ey saqî
şerit bo min we şerit ḧeyat baqî
ne cezay emir mabe’deha bo
to pey min ferzend, min pey to babo
serim hane tewq, pam ne ḧełqey ẍel
muşkiłê keften we to mebo ḧel
zigarim hergah xudgîrît kerden
ferda deyn min meyot ne gerden
saqî wat ey şah be ’un alim’înErebî
er beyom ce dest be ras al’înErebî
nofeł wat ferzend êden xeyałim
leyl bo we ḧekîm ḧałzan ḧałim
ser ne ser řay ser we’endaz kerom
diłşadî we şehd řêzey řaz kerom
şew ne tenxiway şem’ şewçiraẍim bo
řoj mîwey nehał, nexil baẍim bo
řeqîbê çun qeys hane dilêman
mu’alecey derd nemebo pêman
mebo ce xîlal meclisi’aray mey
bawerî pey qeys pyałe pey pey
serxoş bo ce mey, bade peyapey
nefamo be wêş zehren yaxo mey
serxoş bo ce mey badey ’ennabî
ferq nebo celaş eswed ce abî
her weqtê zanat ew bê ḧed mesten
ab ateşwar, řay hoşiş besten
dû pyałeyî pak tuḧfey bilûrî
çenî jêr fincan çînîy feẍfûrî
pyałey yeknewaxt her dû ce yek řeng
yekê piř şerab, yekê piř şeřeng
ne tefreqey řaḧ xeyałit cem ker
şîErebî çenî, mecmû’ herdû we hem ker
hoş û fam celat nebo tewasa
bawer we mecils ’adnan asa
mey bider we min, şeřeng we mecnûn
her dû binoşîm, ta çûn mebo çûn
herwextê qeysit ce zemîn kerd mest
we şîşey şeřeng řay ḧeyatit best
mekerût we şexis ferman fermay kul
qebayl necd, wêney guł û mul
walîy memalîk dameney duceyl
to ḧakim, to şêx, min ẍułam leyl
saqî sade lewḧ şeytan neraş berd
perê qesd qeys qesd qezaş kerd
řazî bî we ḧerf gezaf çaqî
şeřeng ber awerd siperd we saqî
şew besat bezim badeçnîşan
nofeł çenî qeys şadî mekêşan
bezim aray besat mecils ’am bî
nofeł ne tedbîr xeyał xam bî
mutrîban we soz seday sazewe
xoşxiwanan we leḧin xoş’awazewe
řeqqasan we řeqis werziş kerdewe
peyk merg ḧazir ne pişt perdewe
ye gişt karsazî merg nofeł bî
pyałeyî teklîf řed û bedeł bî
be ’eyş û ’uşret pey pey cam mey
merg min binoş, gyan to ba bey
noşa noş mey ta nîme şew bî
pyałeye we êd yekê we ew bî
me’lûm bî mecnûn mest û xumaren
nîşaney mestî lêş aşkaren
saqî pey mecnûn ne karsazî bî
teqdîr ne tedbîr fîtnebazî bî
ce mey û ce zehir pyałe piř kerd
yekê ce şerab safter ce duř kerd
nyane jêr cam her dû pyałe
eceł pey nofeł kerdiş ḧewałe
şerab û şeřeng, mudam qerqef
řaḧ û mey û xumir nyane řûy kef
mecils piř mutrîb, piř çeqane û çeng
piř ce řeqqasan şeyday şox û şeng
nay û mosîqa û saz û ney û def
kemançe û berbut erẍenûn û kef
tepił û dayere û semtûr û suřna
ama bîn we řeqis ce pîr û buřna
saqî cew demda diłş da be deng
meḧwî xatir kerd şerab ce şeřeng
goşey ’eyn řeqis mekerd temaşa
hoş û fam ne serq saqî kerd ḧaşa
nerd we muhrey neqiş nofełî bexşa
mey da we mecnûn, merdi’efgen we şa
qeys be yad qews taq ebroy leyl
sana ce saqî û mey kerdiş we meyl
kêşa we serda pyałey piř mey
çun cam cemşîd, cehan nimay key
gułbang noş bad xêza ce yaran
nofeł wat be yad ebroy nazaran
fełek wat nofeł binoş, noşt bo
ta xeyał leyl feramoşt bo
întîhay ḧesab mey noşanit bo
toşey řay sefer xamoşanit bo
bê şerit û ’ehdî û bednehadî wêt
be watey mehdî ba beyo ne řêt
nofeł noşiş kerd bedter ne canî
keştî west ne ab, wêş bî tofanî
ew cam çun ełmas cergiş pare kerd
dił ce text û bext wêş aware kerd
ne ceng bî beydax wêş we pa kero
ne cay řeca bî îltîca kero
ne we genc û mał lêş mebon řazî
ne we îltîmas ’ulema û qazî
mewc hun ce beḧir xeyał kerd ḧasił
tofan bî mała řîşey cerg û dił
řeḧîq tebîb war deway merg awerd
pey řaḧetî, řaḧ biřyan cerg awerd
deway sikût da we kelley piř şor
řaḧet bî ce derd sizay zat zor
ser berd we serîn, paş kêşa pey fewt
qebiz řoḧiş send ce firîştey mewt
gyan kerdiş teslîm aferîdey řûḧ
xakî kerd ’emîq kîmyay fitûḧ
sakin bî ce derd tac we ser nyan
xakiş kerd we ferş ne cay pernyan
hoř çinya bazař besat şadîş
bad berdiş xerman xeyał badîş
xeber berdişan we bawan leyl
nofeł ne řay ew gyanş kerd tufeyl
ce ew espaw san hîç kes nemenden
kesê mendebo bextiş peř kenden
necdîyan temam bê ser û saman
bê serdar menden ne deşt û daman
etba’ û xwêşan paşyan we hem
leylê řagetan medaro we çem
pey çêş ce leylê meyltan serden
qeti’ sîley řeḧim wesłitan kerden
mecnûn girt newer řagey byaban
bê saḧêb menden xeyme û xyaban
leyl her ew leylen lwan ce bawan
asîbê we baẍ lîmoş neyawan
kesê dest we xał mawîş ne małan
sirefte sakin şay newnehałan
kes nekerden seyr tuẍray zułf dêz
mer bad nesîm subiḧ seḧerxêz
genciş ne telsim nadîde řencen
qułfiş her be muhir gencûr gencen
walawu û îxwan leyl sosen xał
mefhûm bî lêşan çigûnegîy ḧał
wala û eqreba xeber zanaşan
ḧemd zat pak yekta wanaşan
xeber kyanan we êł wêşan
eqreba û etba’, qebîley xwêşan
me’lûm bo lêtan yaran yaweran
dostan, diłsozan, hawsa û hamseran
bidaran we bad xerman xeman
çaken bêx çaş girten we zeman
horêzan beyan bê xof û endêş
nofeł şî ne şon şum kirdey wêş
ferda weqit seyr yełẍarman bo
be wadey teḧqîq qerarman bo
hem leyl bawerîm, hem genc nofeł
hem ḧerîr û sof, hem xara û mexmeł
hem peşim poşak, hem şîm û yaqût
hem ferş û dîbac, qût layemût
hem xêł û eḧşam, mirdû zinîde mał
hem dîdey cemał leyl sosen xał
êl ’amîrî î xeber zanan
ḧemd zat pak lim yizilErebî wanan
azyetî û şîwen, syaberg ẍem
tebdîl dan we ’eyş sûr û surmey çem
swar bîn fewc fewc, cûq cûq û cem cem
yełẍar dan şefeq wadey subḧidem
pay feres pehlewî ’enber şikawan
ew şew ta be subiḧ sipaşan yawan
řahî bîn pey necd be şadî û sirûr
ce kirdey bê çûn îḧsas ẍirûr
ew şew ta we subiḧ sipaşan yawa
řaḧet bîn ce necd ta we xor’awa
ce ewc e’la ta ’umq esfel
ẍaret kerdişan emwal nofeł
kesê ne tawa bikêşo nefes
binazom we emir bînay bałades
ewsa nofeł bî be ew sipa û san
’amîrî ce tab têẍiş herasan
aro ’amîrî û mehdî baboy leyl
ẍaret kerden mał nofeł wêney seyl
wêrege pase, hîzî tewrêwen
aro royêwen, ferda dewrêwen
xulase şad bîn we dîdar leyl
dinyaşan be kam, be meram û meyl
ew şew ta we subiḧ bî we îsraḧet
ewan řaḧet bîn merkeban taqet
ce ’ilî alsiḧir subḧişan wana
zeřîn beydaxan bałşan şana
swar bîn tîp tîp, her tîpê cîlê
pêşapêş ceyş kejawey leylê
mehmêz dan we řexiş řehwar namî
ḧidûd se’dan meqbûł şamî
qewmê pey qesas ḧucrey derûn keyl
yelẍarşan kerd ne saray duceyl
memalk necd kerdişan xerab
bî we nişîngah pey bûm û ẍuřab
nesîm şew ne weqit zerdey şefeq zerd
tarac êłat nofełîşan kerd
tîtoł şêxan ẍaret kerdişan
leylê çenî genc nofeł berdişan
eḧşam û eẍnam, genc û cewahêr
awerd ne seḧra çun genc bahêr
seylan şadî û şayloẍan jenya
ayney fetiḧ û ’eyş ’amîrî winya
leyl şî we bawan qeys we byawan
nofeł ce girew teqsîr û tawan
qeys namurad hem bî sergerdan
long poşa newer wêł bî ne herdan
nofeł ce hîcran lîmuwan zerd
bo nya ne xak elḧedseray serd
dinya ta we ser pey kes nemenden
fełek mukafat yek ce yek senden
fełek kar to firîw û cewren
nazanim mayey tewrit çi tewren
herkes ce ezeł tînetiş paken
ce herdû dinya bê tirs û baken
herkes bedtînet napak sirişten
yageş dozexen er sed firişten
pak tînet herçend be sûret zişten
wêney firîşte me’waş beheşten
řeḧmet we erwaḧ gird pak tînetan
ce dinya û ’uqba giranqîmetan
xanaNasnava edebî her kesê tahîrtîneten
wicûdiş daray fexir û zîneten
fexirim eḧmeden, fexrî ka’nat
we řûy enwerş selam, sełewat
xana bidye kar dewran dinya
nofeł ser nya we xak sya
leylî be diłşad swar wiyaran
qeys řû kerd we řay çoł û byawan
mehdî we şadkam menaza be wêş
ce efsane û mekir awerdiş we pêş
nofeł seringûn małş we tałan
gird be we serbeş pey mîre małan
ewweł merdîş kerd, axer namerdî
namerdî perêş bî we řengizerdî
er ce îbtîdaş pak tînet mebî
key we jar mar cergiş let mebî
mecnûn şî neşon dêwanegîy wêş
řay çoł û kawan ce no girt ne pêş
’emamey fexirş keç nya ne ferq
leylê ce wateş ne ẍeman bî ẍerq
megrewa be dił, be zahîr xendan
zwîr û zigar bî, çun derdimendan
cergey namdarin hem zemamdaran
kyanan we mehdî çun xwastigaran
pey wîsałî leyl kerdin teqaza
leylî we hîçkam nemeda řeza
lêreda ew nusxeyey ke be xetî xwalêxoşbû mîrza ce’fer daryanî buwe tewaw debêt û kełk tenya le nusxey xwalêxoşbû şêx ’ebbasî werdegrîn. wek pêştir bas kira, yekêk lew dû deqey ke bûne serçawey em kitêbe, destixetêkî xwalêxoşbû mîrza ce’fer daryanî bû ke beřêz ’ebdułła beg emînî le cwanřo merḧemetî eweyan fermû. em nusxeye be nêwî kitêbî «nofeł şa û mecnûn» ke beşêkî girîngî leylê û mecnûnî xanay qubadîye le sałî 1367y koçî mangîda nûsrawe. wadyare esłî em nusxeye pêştir lelayen kesêkî tirewe le sałî 1201y koçî mangîda nûsrawetewe, çun le axrî kitêbekewe beytêk dênê. bełam be daxewe nîwey hewełî nexwêndirayewe, dełê «seney hezar û dûsed çenî yek». em nusxeyeş bem çend beytey xwarewe ke dyare hîy nûser xoyetî, nek xana, tewaw debê.
ewweł merdîş kerd, axir namerdî
namerdî perêş bî we řeng zerdî
er ce îbtîdaş pak tînet mebî
key we jar mar cergiş let mebî
ta leyl bî we qetił qeys cefakêş
yawa we meqrûn mekafat wêş
herçend saḧêbkar tînetiş paken
îşałła ne cewr cehan bê baken
perê xas û ’am mexlûq xakî
hîç xasî nîyen ce tînet pakî
bişnewo î şî’ir, me’lûm bo lêtan
muxbîr ban we ḧał tînet wêtan
min ’ebid feqîr bednam ’amim
herzey herze nutiq herzekelam
ḧerfêm ha ne dił řencîdey řencûr
hem lezîz, hem tełx, hem şîrîn, hem şûr
mebo bwaçûn wertir ce merden
mexfî mendenş ’elawey derden
er xas xilqeten er naxas xilqet
herkes řasten řast, herkes çeften çefit
şefî’ şay nofeł we zamanewe
pay xoşî pêçan we damanewe
leyl byen we xak xałan ałaş
xak ce tenxiway sof poşaş we bałaş
qeys xerîk beyt dac deycûren
muntezîr we nefix napeyday sûren
to du’ay xeyr ker we leyl û nehar
her seḧergahan her wext êwar
waçe ya kerîm dehendey dawer
ya nûrbexşî nûr xurşîdî xawer
ta erz îstîwar cebeł biřa bo
ta beqer ḧamił ḧemłî ẍeřa bo
tarîx teqrîr ’ebid cefakêş
geday xuşeçîn ustayan pêş
beqay bê zewał ’umir xusrew bo
be’îd ce efsad çerx kecřew bo
. . . . . . . . . .Teksta ne aşkira
seney hezar û dûsed çenî yek