کچێکی باڵاشل
لە کتێبی:
دیوانی سامی عەوداڵ
بەرهەمی:
سامی عەوداڵ (1910-1985)
1 خولەک
494 بینین
ئەی کچی شلی گەردەن وەک بەلوور
زۆری وەکوو تۆ ناسک و لێو سوور
چەندی وەکوو تۆی شل و بەڵەک چاو
بە خاڵی کوڵمە و زولفی تێک ئاڵاو
زۆر جەوانی وا مەم تەڕ و قەشەنگ
ددان وەک دوڕڕ و دەم وەک خونچەی تەنگ
قوتی داون خاک بردی و ڕایکێشان
نە جوانییان ماوە نە ناو و نیشان
تۆش خۆت مەفرۆشە بە کەیف و سەفا
با لە پاشەڕۆژ نەچیە ناو جەفا
هەر لەگەڵ سامیناسناوی ئەدەبی ڕاست و ڕێکوپێک
ڕوو کەنە چاکە و دەست ناو دەستی یێک