توخواکەی مەنعم مەکە با لە دەوری باڵات بم
لە کتێبی:
دیوانی سامی عەوداڵ
بەرهەمی:
سامی عەوداڵ (1910-1985)
1 خولەک
312 بینین
توخواکەی مەنعم مەکە با لە دەوری باڵات بم
دەبا حەپسی ئەگریجە و زوڵفی چینی تاتات بم
دەمێ دەروێش و مەجنوون، دەمێ پاسەوانی باغت
دەمێکیش بەرماڵ بە کۆڵ سۆفی ناو خانەقات بم
دەمێ حاشیە موتالا وەسفی گەردەن و باڵا
دەمێکیش دڵ غەمگینی دوو ئەگریجەی لالات بم
تەماشای باغی سێوان، دوندان و ڕەنگی لێوان
دڵ کەی فەرامۆش دەبێ گوێ لە دەنگی قاقات بم
لە سامی هیجری دووریت دەمێکە من عبداڵم
با نەغمەخوانی خونچەی تازە باغی ساوات بم