من فەقیر و دڵ حەزینم بۆ هەژاریم خەم دەخۆم

لە کتێبی:
دیوانی سامی عەوداڵ
بەرهەمی:
سامی عەوداڵ (1910-1985)
 2 خولەک  311 بینین
من فەقیر و دڵ حەزینم بۆ هەژاریم خەم دەخۆم
ڕووت و برسی و دەردەدارم ساڵی جارێ خۆم دەشۆم
سابونم گلە حەمامم دەچمە ناو مزگەوتەوە
هەر بە نینۆک پارە پارە و شەقشەقم کرد قەلبی خۆم
خۆم بسوتێنم بە سووتان با بسووتێم چاترە
لەو ژیانەی وا بە تەنگی حەسرەتی یەک نانە جۆم
ڕایەخم ئەرز و سەرینە پێخەف و چەترم سەما
بێ ڕێ و جێ دڵحەزین و بێ دەر و دێوانە خۆم
ڕۆژ و شەو دەرد و فیراق و دەست لەسەر دەستی بەتاڵ
خۆ ئەرز زۆر و فەراحە من لە کۆیێ بۆ نەڕۆم
پڕ دڵم دەرد و مەراقە ئەو مەراقە و پێ بڵێم
لێم گەڕێن توخوا ڕەفیقان کوشتەیی حاجی سەگۆم
غەدری مامە زاڵمەکانم داخی وان سەربارییە
زوڵمی وا کەی ئەو تەریقەی بۆ دەدەی هەی مامی خۆم
هەژاری و دەردەداری تاکەی دەنۆشی سامیناسناوی ئەدەبییە
تۆ فەقیر و بێ مەکانی قەت مەڵێ من خەڵقی کۆم
کاسبێکی فەقیر و بێ تەکلیف و گەدا خۆم
کەر قوڕ و بارم سوکە کە نانی دینی ناخۆم
مامم بە خۆ بەتەکیە بە جوببە و بە ملی پان
من بە خۆم و دەستگا بە چەند پەڕێکی دیوان
چۆن سامی لەمن دەکا ئەو قوتبی عەبدالانی
من لە زانین مەحروم بووم ئەو پێشکەوت بە نەزانی