جەمینت نازەنین
لە کتێبی:
دیوانی خانای قوبادی
بەرهەمی:
خانای قوبادی (1704-1778)
1 خولەک
821 بینین
جەمینت نازەنین لادیۆ، چەنەم پەنهان نەبۆ شەڵڵا
ئەگەر گائێو جە چەم دوور بۆ، جە دڵ نسیان نەبۆ شەڵڵا
جە دڵ پێکان تیر و تۆ ئەگەر واچان بەرئاوەردیش
ئیلاهی گاهـ نە دڵ گیرۆ جە دڵ پێکان نەبۆ شەڵڵا
زەمین و دیدە، دنیا و دین، مەقام و مەسکەنی تۆ بۆ
ئاوا بۆ جەننەتەین ئەوجا هەنی وێران نەبۆ شەڵڵا
بە نەوحەی نەوح هیجرانم، جە کەشتی دڵ مەشۆ بێروون
جە دیدەم سەیل تۆفانەن، مەگەر تۆفان نەبۆ شەڵڵا
دڵەی پڕ دەرد و گریانم زەڕێو بێ وەسڵ تۆ شادەن
ئەگەر وەسڵت نەبۆ حاسڵ دڵم خەندان نەبۆ شەڵڵا
جگەر سفتەی دەروون ڕفتە، بەدەن خەستەی زوبان بەستە
بە جەستەی من فەڵەک نێشۆ، ئەویچ گەردان نەبۆ شەڵڵا
دڵم سۆزان و گریانەن بە ئایر فراق تۆ
جە عاڵەم گشت بە وێنەی من، دەروون بریان نەبۆ شەڵڵا
بەدەن زووخین چەنی زامان، تەن ئوفتادە نە ڕووی خاکی
ئەمین چون تۆ نە خاک و خوون کەسێ خەڵتان نەبۆ شەڵڵا