cemînit nazenîn
Li pirtûka:
Dîwanî Xanay Qubadî
Berhema:
Xanayê Qubadî (1704-1778)
1 Xulek
1099 Dîtin
cemînit nazenîn ladyo, çenem penhan nebo şełła
eger ga’êw ce çem dûr bo, ce dił nisyan nebo şełła
ce dił pêkan tîr û to eger waçan ber’awerdîş
îlahî gah ne dił gîro ce dił pêkan nebo şełła
zemîn û dîde, dinya û dîn, meqam û meskenî to bo
awa bo cenneteyn ewca henî wêran nebo şełła
be newḧey newḧ hîcranim, ce keştî dił meşo bêrûn
ce dîdem seyl tofanen, meger tofan nebo şełła
diłey piř derd û giryanim zeřêw bê wesił to şaden
eger wesiłit nebo ḧasił diłim xendan nebo şełła
ciger siftey derûn řifte, beden xestey zuban beste
be cestey min fełek nêşo, ewîç gerdan nebo şełła
diłim sozan û giryanen be ayr firaq to
ce ’ałem gişt be wêney min, derûn biryan nebo şełła
beden zûxîn çenî zaman, ten uftade ne řûy xakî
emîn çun to ne xak û xûn kesê xełtan nebo şełła