وەڵامی حەقیقی بۆ ئیمامی
لە کتێبی:
دیوانی حەقیقی
بەرهەمی:
حەقیقی (1902-1996)
1 خولەک
731 بینین
کامیل ئەو مانگی مبارەک فەڕز و ئەمری بارییە
مانگی نوێژ و تاعەت و سەرفترە و دیندارییە
لەززەتی ڕۆژوو ئەتۆ تێفیکرە عەینی ڕەحمەتە
خواردنی ڕۆژێ ئەتۆ بڕوانە ژەهری مارییە
دەنگی قورئان خوێندن و الله اكبرعەرەبی دێ مودام
کەی لە مانگی دیکەدا تۆ گوێت لە دەنگی قارییە
بیست و حەوتەم حامیلی قورئانە جەبڕیلی ئەمین
حامیلی وەحیی موبین بۆ ئەحمەدی موختارییە
لەیلەتولقەدری کەوا سەف سەف مەلایک دێنە خوار
دەرکی ڕەحمەت بازە عاسی وەختی گریە و زارییە
دەرکی دۆزەخ داخرا دەرکی بەهەشت ئاواڵەیە
موژدەبێ ڕەحمەت دەبارێ باری عامی بارییە
سەیقەلی ژەنگی مسی ساڵێکە سەرفترە و زەکات
مشت و ماڵی نەفس و ماڵە سوننەتێکی جارییە
مام مەلای بێچارە چبکا، کار و بارێکی نییە
یازدە مانگان خەوتووە و ئەو مانگە وەختی کارییە
کاکە گیان ئێستا «حەقیقیناسناوی ئەدەبی» زەوقی جارانی نییە
تەبعی تۆ سەرشارە ئەمما شێعری من ئیجبارییە