یاوا پێم نامەی شیرین خیتامەت
لە کتێبی:
دیوانی مەولەوی
بەرهەمی:
مەولەوی (1806-1882)
1 خولەک
1016 بینین
یاوا پێم نامەی شیرین خیتامەت
دەک دەک نەڕێزۆ سەرپەنجەی خامەت
سیای سورمەی خەت نە دیدەم شانا
بادرەوشەی وەرەق خەمان ڕفانا
مەرهەم بی پەی زام ئەفعییان گەستەم
دەوا بی پەی دەرد جەستەکەی خەستەم
تەسکین دا وە ئێش نێشەکەی دووری
وە دڵەی سۆچیای ناری مەهجووری
مەگەر خوداوەند کەرەم کەردەوە
تەفرەقەی یاران جەم ئاوەردەوە