نازداران یاوان
لە کتێبی:
دیوانی سەیدی
بەرهەمی:
سەیدی (1785-1849)
1 خولەک
724 بینین
نازداران یاوان، نازداران یاوان
نازاری بێ عەیب، نازداران یاوان
«عليك السَّلامعەرەبی» وەبانی چاوان
سەر زەمین بە نوور لەقای تۆ ئاوان
بنازوو بە سونع دارای بێ نیاز
بە قودرەت شەخسی چوون تۆ مەدۆ ساز
بە لەب یاقووتی، بە گۆنا قەمەر
شۆخ و زەریفی نە عالەم یەکسەر
«ياللَّهعەرەبی» تا دەوران دونیا وەپا بۆ
خوا یارت بۆ، ئینە دۆعات بۆ
قیبلەم سوپەردەی وەیسکەسی نازار بای
ئەمین جە گەزەند دیدەی بەدکار بای
فیدای باڵات بام سەوڵی سەرئەفراز
بدیە پەی جەستەیم، بە نیم نیگای ناز
سەیدیناسناوی ئەدەبی تا ئەو رۆ ڕۆش نە حەیاتەن
هەر گۆیای مەدحی سەنای باڵاتەن
بەو شەرت تۆ بەندەی ئیخلاسش وانی
شایستەی ئەنعام خەڵاتش زانی