دڵە تەمای عەشق
لە کتێبی:
دیوانی سەیدی
بەرهەمی:
سەیدی (1785-1849)
1 خولەک
1062 بینین
دڵە تەمای عەشق، دڵە تەمای عەشق
پەی ڕووی ڕەزای حەق، مەبڕە تەمای عەشق
ئەر ژیرنی شێتە، بگنە نەڕای عەشق
با بەیۆ ناڵە و دەنگ و سەدای عەشق
من تەماشای عەیش نەغمەی سازم کەرد
گۆش بە ئاوازی سەدای عەشقم وەرد
خۆ جە سەدای عەشق هیچ نەبێ وەشتەر
سا با بدۆ عەشق نە جەرگم نەشتەر
گۆشم هەر جە دەنگ وەشی ئی سازەن
وەشەن سازی عەشق، سەد کە مەجازەن
مەجاز ئەر سازیش پەی ڕای حەقێقەن
هەر مەگنۆ نە ڕا، بەندی تەوفێقەن
تەوفێق جەلای حەق هەر مەیۆ پەرێش
کەس مەجاز تا سەر نمەمانۆ پێش
دامانی مەجاز تۆ باوەر وە دەست
چوون هۆشیارانی بە حەقیقی مەست
سەدای سازی عەشق، وەشەن سەیدیناسناوی ئەدەبی وەش
وەش نیەن تۆ بی جە وەشی بێ بەش