diłe temay ’eşq
From the Book:
Dîwanî Seydî
By:
Seydi (1785-1849)
1 minutes
1009 views
diłe temay ’eşq, diłe temay ’eşq
pey řûy řezay ḧeq, mebře temay ’eşq
er jîrnî şête, bigne neřay ’eşq
ba beyo nałe û deng û seday ’eşq
min temaşay ’eyş neẍmey sazim kerd
goş be awazî seday ’eşqim werd
xo ce seday ’eşq hîç nebê weşter
sa ba bido ’eşq ne cergim neşter
goşim her ce deng weşî î sazen
weşen sazî ’eşq, sed ke mecazen
mecaz er sazîş pey řay ḧeqêqen
her megno ne řa, bendî tewfêqen
tewfêq celay ḧeq her meyo perêş
kes mecaz ta ser nimemano pêş
damanî mecaz to bawer we dest
çûn hoşyaranî be ḧeqîqî mest
seday sazî ’eşq, weşen seydîPen name weş
weş nyen to bî ce weşî bê beş