قیروسیا بۆم تێکە ساقی هەر بە مەی خەم ئەسرەوێ
لە کتێبی:
دیوانی ناتیق
بەرهەمی:
ناتیق (1886-1967)
1 خولەک
931 بینین
قیروسیا بۆم تێکە ساقی هەر بە مەی خەم ئەسرەوێ
تا بەخایەڵێکی ڕاحەت ڕوخی یار لێم دەرکەوێ
ئیقلیمی دڵی بە چەشنێ گرتووە لە شکری خەم
مەگەر ئەو تیپی موژگانی یارە لێیدا و سەرکەوێ
نازانم هانا لە بۆ چی تر بەرم بە غەیری تۆ؟
دەسا بۆم تێکە هەزارجار قەزات لە گیانم کەوێ
شاعیرێکی دەردمەند و موفلیسی مانەندی من
چی بکا باشە تاکو عەتفی یاری بەرکەوێ؟
بای خەزان داویە لە سەحنی گوڵشەنی ئیقباڵەکەم
ئیستە «بووم» هەڵی بەستووە هێلانەی شوومی لەوێ
هەر بە مەبەستی خۆشە زیکر و یادی لەیلی دڵپەسەند
ئومێدم وایە لە کۆزەت جورعەیەکم بەرکەوێ
لابدە ناتیقناسناوی ئەدەبی لە باسی ساقی و بادەی زەهری مار
خوا کەریمە ڕۆژێ هەر دێ خەندەیەکم بەرکەوێ