هەنگی ڕۆحم نیشتووە بە شەهدی سیماتەوە
لە کتێبی:
دیوانی ناتیق
بەرهەمی:
ناتیق (1886-1967)
1 خولەک
581 بینین
هەنگی ڕۆحم نیشتووە بە شەهدی سیماتەوە
دڵیش ئەسیرە بە داوی ئەگریجەی تاتاتەوە
ئەی خودا کەی بێ بەناز ڕەحمێ بە حاڵی زار بکا
لە قینی ڕەقیبی سەگ دڵ بۆ جارێ لاکاتەوە
وا بیماری دەردی هیجری تۆم و قەد مومکین نییە
سەد دەوای لوقمان دەروونی ڕێشم چا بکاتەوە
ئەی غەزالەی خۆش خەرامی باغی زیبای و حوسن
بۆ بە حەرفێ نامدوێنی قەرزە و وا بە لاتەوە
تا بکەی وەک نەی دڵم ناڵەی حەزینی لێوە بێ ؟
کێ ئەتوانێ چەشنی تۆ گریانم ژیرکاتەوە
مەعشوقەکەی چاو غەزالم ئەی گوڵی ڕەوزەی ئیرەم
چاک بزانە گیانم بەندە باڵای ڕەعناتەوە
تۆ تەبیبی حازیقی جەستەی زەبوونی ناتیقناسناوی ئەدەبیت
تا کەی زەلیل بم بە دەستی عەزابی سەوداتەوە؟