هەستی دڵم
لە کتێبی:
فرمێسک و زەردەخەنە
بەرهەمی:
دڵشاد مەریوانی (1947-1989)
1 خولەک
819 بینین
ئەو مەیلە بوو کە باوەڕت پێ نەئەکرد تا خۆتت دۆڕاند
مەیلی دڵداری وەک تیشکی بەیان
لە شاری دڵما کەوتە هاتوچۆ
مەلی هەستیشم بۆ باخی جوانان
دای لە شەقەی باڵ سرک و سەربەخۆ
***
هەناسەی زۆر گوڵ لەم ناو باخانە
چەشنی پەپوولەی پایز پەخش ئەبێ
تەنیا هەنسکێ کە تینی گیانە
سروەی زارتە دڵ پێی گەش ئەبێ
***
بۆ یادگارە وێنەم هەڵگرتووی
لە گۆشەی دڵما جێگەم بۆ گرتووی