لەگەڵ دڵ شەرتی من وایە هەتا ڕۆژێ حەیاتم بێ
لە کتێبی:
دیوانی ئەحمەد موختار جاف
بەرهەمی:
ئەحمەد موختار جاف (1896-1935)
1 خولەک
2750 بینین
لەگەڵ دڵ شەرتی من وایە هەتا ڕۆژێ حەیاتم بێ
بەشی ئەو دەرد و غەم بێت و منیش ماتەم خەڵاتم بێ
بە تەختی قەیسەر و کەیخەسرەوی نادەم ئەگەر دولبەر
قبووڵم کا بە بەندەی خۆی لە جێی مووچە و بەراتم بێ
ئەگەر ماچی دەمی ڕۆژێ خوا بیکا بە قیسمەت بێ
بە زەهرم بێ ئەگەر من ئارەزووی نوقڵ و نەباتم بێ
وتم ئەی بت لە لام پەشمن هەموو ئایین و دینێ من
بە یادت ڕەنگە مەیلی پەیڕەوی عوززا و لاتم بێ