کاولەکەی وەتەن هێندە شیرینە
لە کتێبی:
پەندەکانی پیرەمێرد
بەرهەمی:
پیرەمێرد (1867-1950)
1 خولەک
1870 بینین
کاولەکەی وەتەن هێندە شیرینە
ژاری دووپشکی عەربەت هەنگوینە
ئاو مەند بێ و پیاو مۆن، لێیان بترسە
ڵچ شۆڕ پەریش بێ، هەر ئێسکی قورسە
شەیتان پەلەی کرد بۆیە زەلیلە
ڕاوەستە و حەڵوا بێ لە بەرسیلە
کاربەدەست، دەستیان لە دەست هەڵبڕی
کاتێکت زانی خوا نانی بڕی
کە خۆت خودبین و بۆ خەڵک بەدبین بی
نابێ لە دوایی ڕۆژت ئەمین بی
دۆستت ئەوەتە کە ئەتگرێنێ
دوژمن ئەوەتە پێت پێئەکەنێ